Цыппар цхинвайлаг сколадзауы — Хъотайты Арсен (Бадман), Фæрниаты Алан (Мистер Лачер), Козаты Анатолий (Оденц) æмæ Джиоты Руслан (Джио) сарӕзтой рэп-къорд "Янг стрит".
Къорд саразыны хъуыды æрцыд Русланмæ æртæ азы размæ. Уæд æрыгон лæппутæ, кæцытæй алчидæр хицæнтæй фыстой æмдзæвгæтæ, сфæнд кодтой иу коллектив саразын æмæ иу фæндагыл ацæуын.
Райдианы уал уыдон фæзмыдтой популярон рэперты MiyaGi & Эндшпилы, "фæлæ куы бамбæрстам, афтæ бирæ чидæртæ кæй аразынц, уæд аскъуыддзаг кодтам нæхи фæндагыл ацæуын".
Сæ ныхæстæм гæсгæ, музыкæ ахуыры нæ хъыгдары, "уый дæр у ахуыр æмæ нæ ахуыргæнджытæ æмбарынц".
Январы къорд фæнд кæны альбом рауадзын, лæппутæй алчидæр хицæнæй фыссы зарджытæ.
