ЦХИНВАЛ 27 дек— Sputnik. Уæрæсейы Федерацимæ кусæгон визиты фæлгæтты Хуссар Иры УУМ-ы сæргълæууæг Тадтаты Алан райста хайад Ирвæзынгæнæджы бонæн нывонд бæрæгбонон мадзæлтты Мæскуыйы, хъусын кæны ведомствæйы пресс-службæ.
Министр фæуазæг цытджын концертмæ, кæцы уагъд цыд Паддзахадон Кремлаг Галуаны, афтæ ма УФ УУМ-ы Сыгъдхуыссынгæнæн паддзахадон академимæ, цы ран ахуыр кæнынц курсанттæ Хуссар Ирыстонæй.
Академийы къухдариуæггæнæг банысан кодта, кæй ницы фиппаинæгтæ йæм ис РХИ-æй курсантты дисциплинæ æмæ ахуырмæ. Тадтаты Алан та аздæхта хъусдард, ацы уæлдæр ахуырадон уагдон каст чи фæци æмæ Хуссар Иры чи кусы, уыдон кæй сты бæрзонд квалификацигонд специалисттæ æмæ дзырд радта хуссарирыстойнаг курсанттæн, ахуыр каст фæуыны фæстæ, уыдон кæй æрцæудзысты ифтонг куыстæй ведомствæйы.
