ЦХИНВАЛ, 26 янв — Sputnik. Фыдызгъæлы завод "Растдон" хуыцаубоны Цхинвалы æрбакæндзæн сæрмагонд дункани "Нæртон", цы ран уыдзæн балхæнæн заводы продукци йæхи аргъыл, фехъусын кодта агрохолдинг "Евродон"-ы генералон директор Уанеты Вадим йæ фарсыл Facebook-ы
Дукани уыдзæн фыдызгъæлы завод "Растдон"-ы территорийыл, Цхинвалæй 5 километры цæгаты рдæм.
"Дуканийы уæй кæндзысты Цхинвалы фыдызгъæлы завод"Растдон"-ы æмæ компаниты къорд "Евродон"-ы продукци. Нырмæ заводы продукци уæй цыд æрмæст горæты дуканиты. Цæрджытæн фадат уыдзæн йæхи аргъыл æмæ ног уагъдæй райсын фыдызгъæлы продукци", — ныффыста амалиуæггæнæг.
Афтæ ма Уанеты Вадим фехъусын кодта, 25 январьæй фæстæмæ цхинвайлаг заводы продукци æрвыст цæуы экспортмæ дæр.
Куыстуат официалон æгъдауæй æрбайгом 2017 азы уалдзæджы. Июлы завод рауагъта йæ продукцийы фыццаг парти маркæ "Нæртон"-ы дæлбар.
Проекты реализацийыл бахардз 156 милуан сомы. 30 милуан сомы рахицӕн кодта Уанеты Вадим йӕхӕдӕг. Завод сифтонг кодта куысты бынæттæй 40 адæймаджы бынæттон цæрджытæй. Заводы кусджытæ рацыдысты стажировкæ "Евродоны".
