Хуссар Иры райдыдтой уæрæсейаг æфсæддонты масштабон ахуыртæ

© Sputnik / Виталий Тимкив /  Ахизын медиабанкмæХуссар Иры райдыдтой уæрæсейаг æфсæддонты масштабон ахуыртæ
Хуссар Иры райдыдтой уæрæсейаг æфсæддонты масштабон ахуыртæ - Sputnik Хуссар Ирыстон
Бафыссын
НовостиTelegram
Ӕфсæддон цæттæдзинады фæдыл тренировкæты райстой хайад цалдæр мин æфсæддон службæгæнæджы Хуссар Ирыстон æмæ Цæгат Кавказы

ЦХИНВАЛ, 29 янв— Sputnik. Хуссар Ирыстоны уæвæг уæрæсейаг æфсæддон базæйы службæгæнджытæ æрæвнæлдтой уæрæх тренировкæтæм æфсæддон цæттæдзинадæй, ахуыртæ райдыдтой Хуссар æфсæддон зылды 58-æм æфсады дæлхайæдты æмæ баиугæндты Цæгат Кавказы, хъусын кæны Хуссар æфсæддон зылды пресс-службæ.

Нысангонд цæуы, ахуырты хайад кæй исы æфсады хисæрмагонд сконд иууылдæр, 4 мин æфсæддон службæгæнæджы æмæ æфсæддон техникæ.

"Ахуырты рæстæджы æфсæддон службæгæнджытæ бакусдзысты фæдисы сыстын кæныны рæстæджы хисæрмагонд сконды архæйдтытыл, хæцæнгарз æмæ экипировкæ райсыныл, паркæй рахизынæн техникæ бацæттæ кæныныл æмæ мадзæлтты районмæ рацæуыныл", — загътой зылды.

Ахуырты районты къамисы минæвæрттæ аргълæвæрд дæтдзысты æмбæхсыны организацийы фæлтæрддзинадæн, фортификацион æмæ инженерон ифтонггарзæн, техникæ æмæ хæстæрмæджыты цæттæдзинадæн æфсæддон хæслæвæрдтæ æххæст кæныны рæстæджы. Офицертæ практикæйыл бакусдзысты дæлхайæдты æфсæддон цæттæдзинад фæбæрзонддæр кæныны фæдыл перспективон фæдыздæхттыл ног къухдариуæгон документтæ хынцгæйæ.

Къуырион ахуыртæ æмæ тренировкæты фæстиуæг суыдзæн дæлхайæдтæн иумæйаг домæнты райст æфсæддон цæттæдзинады фæдыл.

Ног хабӕртты лентӕ
0