ЦХИНВАЛ, 30 янв — Sputnik, Плиты Фатимæ. Турчы сæйраг горæттæй иуы — Стамбулы ацæудзæн Цæгат Ирыстоны адæмон артист Плиты Нодары юбилейæн нывонд сфæлдыстадон изæр, хъусын кæны РЦИ-Аланийы культурæйы министрады пресс-службæ.
"Цæгат Ирыстоны адæмон артист, Уæрæсейы сгуыхт артист, зынгæ кафæг æмæ хореограф Плиты Нодары юбилей арæзт цæуы артистæн йæ ахуыргæнинæгты æмæ черкесаг æхсæнады тыхтæй. Мадзалы архайдзæн юбиляр йæхæдæг дæр", — дзырдæуы хъусинаджы.
Ирон артисты юбилейон концерт Стамбулы ацæудзæн 5 февралы 20.30 сахатыл.
