Гасситы Мурӕт ӕмӕ Дортикос рахызтысты рингмӕ: гом тренировкӕйы видео

© Пресс-служба Федерации бокса РоссииГасситы Мурӕт ӕмӕ Дортикос рахызтысты рингмӕ:гом тренировкӕйы видео
Гасситы Мурӕт ӕмӕ Дортикос рахызтысты рингмӕ:гом тренировкӕйы видео - Sputnik Хуссар Ирыстон
Бафыссын
Yandex newsTelegram
Ӕппӕтдунейон суперсерийы финалмӕ рахизыны сӕраппонд тохы размӕ боксертӕ равдыстой сӕ фарсхӕцджытӕн сӕ арӕхстдзинад

ЦХИНВАЛ, 1 фев — Sputnik. Шоу Гасситы Мурӕт — Юниер Дортикос ауагътой гом тренировкӕ Сочийы, хъусын кӕны Уӕрӕсейы Боксы Федерацийы пресс-службӕ. Цалдӕр мин адӕймаджы ӕрбацыд спортсменты арӕхстдзинадмӕ бакӕсынмӕ базарадон-хиирхӕфсӕн центр "Море Молл"-ы рингыл.

Фыццаг рингмӕ рахызт Юниер Дортикос, уый ӕрӕмбыруӕвджыты дисы баппӕрста йӕ дӕрзӕг цӕфтӕй ӕмӕ уынӕрджын фарсхӕцджытӕй. Тренировкӕйы фӕстӕ боксеры бафарстой, зӕгъгӕ, цӕттӕ у 3 февралы йӕ чемпионы рон фӕстаг хатт хатт фенынмӕ.

"Бахъуыды йӕ кӕнут, уый уыдзӕн бон, кӕцыйы Гасситы Мурӕт фӕстаг хатт фендзӕн йӕ рон. Ӕз хъавын рамбулынмӕ, ныфс мӕ ис мӕ тыхӕй, иттӕг хорз цӕттӕ дӕн тохмӕ, цас раунд мӕ бахъӕудзӕн? Иу-дыууӕ, науӕд та ӕртӕ кӕнӕ цыппар", — загъта кубӕйаг боксер.

IBF чемпион Гасситы Мурӕт тренировкӕ райдыдта цадӕггай, уый фӕстӕ балӕвар кодта йӕ фарсхӕцджытӕн йӕ командӕйы хӕдӕттӕ. Уый тынг фӕцыд ӕрӕмбырдуӕвджыты зӕрдӕмӕ. Йӕ автографф райсын кӕй фӕндыд, уыдонӕй сырӕзт даргъ радтӕ. Мурӕт дӕр радзырдта тохы размӕ йӕ зӕрдӕйыуагы тыххӕй.

© Пресс-служба Федерации бокса РоссииГасситы Мурӕты тренировкӕ
Открытая тренировка Гассиев-Дортикос - Sputnik Хуссар Ирыстон
Гасситы Мурӕты тренировкӕ

"Мӕ мотиваци — мӕ фарсхӕцджытӕ, кӕцытӕ ӕрцӕудзысты мӕ тохмӕ. Алы ныхмӕлӕууг дӕр йӕхирдыгонау тыхджын у, алы тохмӕ дӕр хъӕуы хорз цӕттӕ кӕнын. Ӕнхъӕлмӕ кӕсын ӕрмӕстдӕр уӕлахизмӕ, сараздзӕн рингыл, мӕ тыхы цы уа, уый ӕппӕтдӕр", — загъта Мурӕт.

Гасситы Мурӕт ӕмӕ Юниер Дортиков фӕмбӕлдзысты Сочийы 3 февралы Ӕппӕтдунейон суперсерийы ӕрдӕгфиналы. Тохы уӕлахиздзау ахиздзӕн Ӕппӕтдунейон суперсерийы финалмӕ, цыран фембӕлдзӕн украинӕйаг Александр Усикимӕ.

Ног хабӕртты лентӕ
0