ЦХИНВАЛ, 5 фев — Sputnik. Гасситы Мурæт "IRON" æрæздæхт Цæгат Ирыстонмæ, Ӕппæтдунейон боксерон суперсерийы æрдæгфиналы кубæйаг Юниер Дортикосыл фæуæлахизы фæстæ. Аэропортмæ чемпионыл сæмбæлынмæ æрбацыдысты æртæ мин адæймагæй фылдæр.
Мурæты цытæн суагътой фейерверктæ, афтæ ма сарæзтой мини-концерт, цы ран чызджытæ æмæ лæппутæ националон дарæсы сæххæст кодтой ирон кæфтытæ.
Беслæнæй Дзæуджыхъæумæ боксеры фæхæццæ кодтой ирон тырысатимæ кортежы.
