ЦХИНВАЛ, 6 фев — Sputnik. Мæскуыйаг XVII-æм Куадзæны фестивалы концертон программæимæ Цæгат Ирыстоны столицæйы ратдзæн концерт Мариинаг театры оркестр маэстро Гергиты Валерийы разамынадæй.
Музыкалон фестивалы æвддæсæм сезон суыдзæн иууыл дæргъвæтиндæр æмæ уæрæхдæр йæ историйы дæргъы – марафон адарддæр уыдзæн 32 боны, хъусын кæны Мариинаг театры пресс-службæ.
Гергиты Валерийы разамынадæй симфонион оркестр райдайдзæн йæ гастролон тур концертæй Мæскуыйы 8 апрелы, Куадзæны бон. Уый фæстæ коллектив абалц уыдзæн иууыл уæрæхдæр гастролон туртæй иуы – музыканттæ ратдзысты концерттæ Уæрæсейы 30 горæты, уыдон нымæцы Дзæуджыхъæуы.
XVII-æм Куадзæны фестиваль традицион æгъдауæй ацæудзæн сывæллæтты хæдзæртты æмæ интернатты, инвалидты æмæ ветеранты хæдзæртты. Гастролты кульминаци суыдзæн Гергиты Валерийы разамынадæй Мариинаг театры симфонион оркестры традицион концерт Поклонная горайыл Уæлахизы бон – 9 майы.
