ЦХИНВАЛ, 1 мар — Sputnik. Ставрополы уагъд æрцыд ЦКФЗ-ы фыццагад æмбуар хæстæй чызджытæ, лæппутæ (12-13, 14-15, 16-17 азы) æмæ юниорты æхсæн (18-21 аз). Цæгат Ирыстоны æмбырдгонд рамбылдта æхсæз сыгъзæрин, дæс æвзист æмæ æхсæз бронзæ майданы, хъусын кæны республикæйы спорты министрады пресс-службæ.
Ӕдæппæт ерысты истой хайад 500 спортсмены. Турниры 12-13 азы кары спортсменты æхсæн Ирыстоны æмбырдгонд райста дыккаг иумæйагкомандон бынат, 14-15 аздзыд спортсментæ та схызтысты пьедесталы æртыккаг бынатмæ.
Ерысты уæлахиздзаутæ æмæ призертæ сæ тыхтæ бавзардзысты чызджытæ æмæ лæппуты, афтæ ма юниорты æхсæн (18-21 аз) Уæрæсейы фыццагады æмбуар хæстæй.
