Хуссар Иры президент раарфæ кодта сылгоймæгтæн 8 марты цытæн

© Пресс-служба президента РЮОТоржественное собрание в честь Международного женского дня
Торжественное собрание в честь Международного женского дня - Sputnik Хуссар Ирыстон
Рафыссын
Сылгоймæгты æхсæнадæмон боны цытæн Цхинвалы уагъд æрцыд цытджын æмбырд

ЦХИНВАЛ, 6 мар — Sputnik. Хуссар Ирыстоны сылгоймæгтæ райстой сæхимæ æппæт хъизæмæртты уаргъ республикæйæн уæззау æзты, загъта Хуссар Ирыстоны президент Сылгоймæгты æхсæнадæмон боны цытæн цытджын æмбырды Цхинвалы.

8 март - Sputnik Хуссар Ирыстон
Афишæ: Сылгоймæгты бæрæгбон æмæ боксы турнир

"Уый рæсугъд бæрæгбон у, фæлæ алыхатт афтæ рæсугъд нæ уыд, куыд абон. Республикæйæн уæззау 1990-æм æзты сымах айстат уæхимæ хъизæмæртты уаргъ, кæцытæ æвзæрста нæ республикæ. Сымах дæттат зонындзинæдтæ нæ сывæллæттæн уазал кълæссты, хæдзæрттæй-иу хастат сугтæ, цæмæй нын батават нæ сывæллæтты", — загъта уый.

Паддзахады сæргълæууæг ма бахахх кодта, сылгоймæгтæ нæлгоймæгты æмрæнхъ кæй тох кодтой сæ адæмы сæрибардзинадыл. Уымæ гæсгæ, орден "Уацамонгæ"-йæ хорзæхджын æрцыдысты нæ хъæбатыр сылгоймæгтæ дæр", — загъта президент.

© Пресс-служба президента РЮОХуссар Иры президент раарфæ кодта сылгоймæгтæн 8 марты цытæн
Торжественное собрание в честь Международного женского дня  - Sputnik Хуссар Ирыстон
Хуссар Иры президент раарфæ кодта сылгоймæгтæн 8 марты цытæн

Бибылты Анатолий банысан кодта, абон сылгоймæгтæн кæй ис бæрнон бынæттæ бирæ организациты, уымæн та ис æвæрццаг æндавдад сæ куыстыл.

"Уæ алы къахдзæфæн дæр, уæ куыстæн, мах – нæлгоймæгтæ сымахæн дзурæм стыр бузныг! Сымах стут ахæм адæм, кæцытæ нын лæвар кæнынц циндзинад хъомыл нын кæнут нæ сывæллæтты, цайдагъ сæ кæнут хорз хъуыддæгтыл. Зæрдæбынæй уын арфæ кæнын 8 марты бæрæгбоны цытæн", — загъта президент.

Ӕмбырд адарддæр ис бæрæгбонон концертæй – мадзалмæ æрбацæуджытæн сæ зарджытæ сæххæст кодтой хуссарирыстойнаг эстрадæйы стъалытæ.

Ног хабӕртты лентӕ
0