Хуссар Иры æмгъуыдæй раздæр хъæлæс кæнынц Уæрæсейы суинаг президентæн

© Sputnik / Сергей Русанов /  Ахизын медиабанкмæДосрочное голосование на выборах президента РФ
Досрочное голосование на выборах президента РФ - Sputnik Хуссар Ирыстон
Рафыссын
Республикæйы цæуы Уæрæсейы президенты æвзæрстыты фæдыл æмгъуыдæй раздæр хъæлæскæнынады дыккаг этап

ЦХИНВАЛ, 13 мар — Sputnik, Козаты Диана. Уæрæсейы æмбæстæгтæ, кæцытæ цæрынц Хуссар Ирыстоны, исынц активон хайад УФ-йы президенты æвзæрстыты фæдыл хъæлæскæнынады, загъта Sputnik Цхинвалы уæвæг уæрæсейаг минæварады консулон хайады разамонæг Сергей Алексеев.

Республикæйы къуырисæры райдыдта Уæрæсейы президенты равзæрсты фæдыл æмгъуыдæй раздæр хъæлæскæнынады дыккаг этап. Хъæлæскæнынад уагъд цæуы республикæйы алы районты, уый балхынцъ уыдзæн абон, 13 марты.

"Нырма фадгуытæ иууылдæр хыгъд нæ радтой хъæлæскæнынады тыххæй. Фæлæ хуссарирыстойнаг æвзарджытæ исынц активон хайдад æвзæрстыты. Кæцыдæр цæрæн пункттæм æрбацыд, æнхъæл куыд уыдыстæм, уымæй фылдæр æвзæрджытæ,", — загъта Алексеев.

Уый бамбарын кодта, алы æвзарæн фадыгон къамис дæр кæй райсы 5% фылдæр бюллетентæ, уымæ гæсгæ проблемæтæ нæ сæвзæрд.

Президентон æвзæрстытæ - Sputnik Хуссар Ирыстон
Бибылты Анатолий: æвзæрстытæ хъуамæ ацæуой барадон домæнтæм гæсгæ

Ленингоры районы æвзарæн фадыгон къамисы сæргълæууæг Сергей Манько радзырдта Sputnik, æвзарджыты фылдæр хай ныридæгæн кæй схъæлæс кодтой.

"Адæм цæуынц хорз зæрдæйы уагимæ, кæрæдзийæн арфæтæ кæнынц бæрæгбоны фæдыл. Мах нæхæдæг зилæм, йæхицæн йæ бон фадыгмæ æрбацæуын кæмæн нæу, уыдоныл. Къуырисæры бацыдыстæм уæлхох цæрæн пунктмæ, цы ран ис цыппар хæдзары, уæрæсейаг æмбæстæгтæй та дыууæ", — радзырдта Манько.

Йæ ныхæстæм гæсгæ, хъæуты цæрджыты раздæр бафæдзæхстой æмгъуыдæй раздæр хъæлæскæнынады тыххæй.

"Алцыдæр арæзт цæуы районон хицæутты æнхъарæнтæм гæсгæ, фадыгон æвзарæн къамис бацæуы уыцы цæрæн пункттæм, цы ран цæры уæрæсейаг æмбæстæгты егъау нымæц. Ӕмгъуыдæй раздæр хъæлæскæнынады хайад райсын йæ бон кæмæн не ′суа, уыдон æрбацæудзысты æвзарæн фадыгмæ, кæцы æрбайгом уыдзæн Ленингоры поселокы", — банысан кодта Манько.

Уый бафтыдта, дыццæджы та хъæлæскæнынад адарддæр уыдзæн районы иууыл стырдæр хъæутæй иуы – Захъхъоры.

Знон ма æмгъуыдæй раздæр схъæлæс кодтой Уæрæсейы æмбæстæгтæй Знауыры, Дзауы æмæ Цхинвалы районты чи цæры, уыдон.

Ног хабӕртты лентӕ
0