Президент раарфæ кодта инæлар-майор Тедеты Улифанæн 80 азы юбилейы цытæн

© Пресс-служба президента РЮОХуссар Ирыстоны президент раарфæ кодта юбилярæн цытджын датæйы фæдыл
Хуссар Ирыстоны президент раарфæ кодта юбилярæн цытджын датæйы фæдыл - Sputnik Хуссар Ирыстон
Бафыссын
Yandex newsTelegram
Хуссар Ирыстоны президент раарфæ кодта юбилярæн цытджын датæйы фæдыл

ЦХИНВАЛ, 16 мар — Sputnik. Бибылты Анатолий раарфæ кодта инæлар-майор Тедеты Улифанæн йæ 80 азы юбилейы цытæн æмæ банысан кодта йе стыр хайбавæрд Хуссар Ирыстоны хæдбардзинад сфидар кæнынмæ, хъусын кæны президенты пресс-службæ.

Паддзахады сæргълæууæг банысан кодта, Тедеты Улифан – "Уацамонгæйы" ордены кавалер – абон онг дæр кæй ауды Фыдыбæстæйы фæрныгадыл æмæ йæ сомбоныл, ахъаз у рæзгæ фæлтæры патриотикон хъомыладæн.

"Улифан Елиозы фырт, Ды раттай бирæ тыхтæ тохы быдырты. Ӕмæ абон мах стæм æвдисæн, Дæ хъæбатырдзинæдтæ æнæхъуаджы кæй нæ уыдысты. Фæнды мæ банысан кæнын, Дæ зæрдæ абон дæр кæй риссы Ирыстоныл, тырныс Фыдыбæстæйæн исты хорзы бацæуынмæ. Хуыцау зæгъæт æмæ Дæ фæндтæ Дæ къухты бафтой", — загъта президент.

Тедеты Улифан загъта бузныг президентæн ахæм хъарм ныхæсты тыххæй æмæ бахахх кодта, зæгъгæ Бибылты Анатолий цы рæстæг у президент, уæды заман республикæйы æрцыд бирæ æвæрццаг процестæ.

"Анатолий Ильяйы фырт, ды дæ тыхджын адæймаг æмæ хъуамæ кусай Ирыстоны размæцыдыл, хъуамæ йæ кæнай раст фæндагыл. Мах бирæ тох кодтам, цæмæй Хуссар Ир суа сæрибар. Уый ссис сæрибар, абон та ис æууæнкаг къухты", — загъта уый.

© Пресс-служба президента РЮОХуссар Ирыстоны президент раарфæ кодта юбилярæн цытджын датæйы фæдыл
Анатолий Бибилов поздравил Улифана Тедеева - Sputnik Хуссар Ирыстон
Хуссар Ирыстоны президент раарфæ кодта юбилярæн цытджын датæйы фæдыл

Юбиляр ма банысан кодта, сæрыстыр кæй у, йæ рæстæджы уый кæй схъомыл кодта бирæ инæларты æмæ хъахъхъæнынады министры х. æ. Гассеты Ибрагим дæр кæй уыд йæ хъомылгæнинаг.

Тедеты Улифан 32 азы службæ кодта ССРЦ-ы Гарзджын тыхты, иста хорзæхтæ. Уыдонæй иу – "Ӕфсæддон сгуыхтты тыххæй" майдан, кæцы фидар æрцыд ССРЦ-ы Уæлдæр Советы Президиумы барамындæй.

Ног хабӕртты лентӕ
0