ЦХИНВАЛ, 19 мар — Sputnik. Хуссарирыстойнаг цæстдарджытæ бæрзонд аргъ скодтой Уæрæсейы президенты æвзæрстыты хъæлæскæнынады процесс æмæ организацион æмвæзадæн, хъусын кæны РХИ парламенты пресс-службæ.
Уæрæсейы президенты æвзæрстыты Хуссар Ирыстонæй цæстдарджыты хуызы уыдысты РХИ-ы ЦӔК æмæ парламенты минæвæрттæ.
"Боны мидæг мах бацыдыстæм æхсæз æвзарæн фадыгмæ æмæ æнæдызæрдыг дæн, æвзæрстытæ кæй ацыдысты законыл æмæ демократон принциптæм гæсгæ. Æмбæстæгтæ-иу нырма рацыдысты регистраци æмæ райстой бюллетень, уый фæстæ та хъæлæс кодтой сæ кандидатæн", — загъта парламенты спикеры æххуысгæнæг Уалыты Сергей.
Ӕвзæрстыты æмвæзадæн бæрзонд аргъ скодта Хуссар Ирыстоны Центрæвзæрсткъамы сæргълæууæг Плиты Белла дæр.
Уæрæсейы президенты æвзæрстытæ ацыдысты 18 марты. Архайгæ президент Владимир Путин райста хъæлæсты 76%-æй фылдæр.
