ЦХИНВАЛ, 19 мар — Sputnik. Хуссар Ирыстоны Дзарцъемы полигоныл райдыдтой ротæйон тактикон ахуыртæ æфсæддон æхстимæ, хъусын кæны РИА Новости Хуссар æфсæддон зылды (ХӔЗ) пресс-службæйы информацийыл æнцойгæнгæйæ.
Ахуырты хайад райсдзысты уæрæсейаг æфсæддон базæйы мотоæхсæн, танкон, артиллерион, зенитон-ракетон æмæ сæрмагонд дæлхайæдтæ.
"Ротæйон тактикон ахуырты рæстæджы службæгæнджытæ сæххæст кæндзысты æфсæддон æхст танктæй Т-72А, фистæгæфсæддон машинæтæй БМП-2, хæдцæугæ артиллерион машинæтæй "Акация", миææхсджытæй "Сани", автоматикон æмæ хæсгæ гранатæхсджытæй АГС-17 æмæ РПГ-7, афтæ ма спайда кæндзысты æнæпилотон тæхæн аппараттæй", — загътой пресс-службæйы.
Ахуырты уæлдай хъусдард здæхт æрцæудзæн æфсæддон архæйдтытæ уадзынмæ уæлхох-хъæдджын бынаты уавæрты, афтæ ма æфсæддон машинæтæй æхст уадзынмæ.
Ахуырты хайад райсдзысты дыууæ мин æфсæддон службæгæнæджы æмæ 300 иуæджы æфсæддон техникæ.
