ЦХИНВАЛ, 20 мар — Sputnik. Алыгъуызон скъолаты æмæ стилты ирон дæсныты куыстытæ æвдыст æрцæудзысты æрвылазон экспозицийы "Ирон палитрæ Невайы былтыл" Санкт-Петербурджы, хъусын кæны РЦИ-Аланийы минæварады пресс-службæ Цæгат-Ныгуылæйнаг федералон зылды. Равдыст æрбайгом уыдзæн 7 апрелы æмæ адарддæр уыдзæн 21 апрелы онг.
"Нывкæнынад, скульптурæ, нывæфтауæн аивад — æмрæстæджы аивады цалдæр хуызы æрбаиу уыдзысты ирд каказаг колорит æмæ хуызджын палитрæйы хъæздыгдзинад иу националон экспозицийы", — дзырдæуы хъусинаджы.
Мадзалы хайадисджытæ суыдзысты Ирыстоны зындгонд нывгæнджытæ: Абайты Евгений, Абайты Сослан, Бадриты Мæдинæ, Бигъуылаты Рудольф, Гæззаты Сабина, Гугкаты Чермен, Гадайты Белла, Гобеты Алина, Джиоты Ольга, Дзукъаты Евгения, Дзуццаты Заурбек, Кацты Вадим æмæ æнд.
Равдыст организацигонд æрцыд ЦНФЗ-ы уæвæг Цæгат Ирыстоны минæварады, афтæ ма Санкт-Петербург æмæ Ленинграды областы ирон минæварады æххуысæй.
