ЦХИНВАЛ, 26 мар — Sputnik, Плиты Фатимæ. Хуссар æмæ Цæгат Ирыстоны сгуыхт артист, паддзахадон театры актер Пæррæстаты Дмитрий сæххæст кодта сæйраг фæлгæнцтæй иу фильм "Решение о ликвидации"-йы. Ирон актер кинонывы ахъазыд Уæрæсейы иууыл æгъатырдæр террорист Шамиля Басаевы æмгары роль.
Февралы кæрон рацыд кинонывы трейлер, йæ премьерæмæ йын æнхъæлмæ кæсынц ацы уалдзæджы. Дмитрийæ дарддæр ма ацы кинонывы фæнæн уыдзæн æндæр цхинвайлаг актер Мамиты Григорийы дæр.
"Решение о ликвидации" у ме ʻртыккаг фæлгонц, фæлæ дебютон куыст куыд сæйраг рольтæй иуы архайæг афтæ, уымæй уæлдай та "Мосфильм"-ы. Ацы киноныв у фильм-хронологи, таурæгъ кæны æцæг æрцæугæ цаутыл. Ӕвыдыст дзы цæуы ӔФС операци иууыл тæссагдæр террорист Шамил Басаевы скуынæг кæныны фæдыл", — загъта Пæррæстаты Дмитрий.
Киноныв "Решение о ликвидации" ист æрцыд Цæгат Ирыстоны.
"Мах куыстам цыппар мæйы бæрц. Æз сæххæст кодтон Исайы фæлонц, боевик, кæцы хæцыд Шамиль Басаевимæ. Уый арæзта æппæт сусæг куыст хæцæнгаз амал кæныны фæдыл. Ацы дыууæ ахызтысты сæ цæсгом æмæ намысы сæрты, райстой сæхимæ чысыл сабиты тæригъæд. Киноныв ахицæн вæййы срæмыгъдæй, цы рын уый спырх кæны йæхи дæр æмæ Басаевы дæр", — бафтыдта уый.
Фильмы æвдыст цæуынц 2006 азы цаутæ, Шамиль Басаев æмæ йæ æмархайджытæ куы рцыдысты куынæг. Сценарий бындуриуæг кодта раргомгонд факттыл. Сæйраг террористы ролы архайы цæцæйнаг актер Аюб Цингиев. Сæйраг фæлгонцы ма ахъазыдысты Игорь Петренко, Алексей Вертков æмæ цæгатирыстойнаг Фидарты Сослан.
