ЦХИНВАЛ, 27 мар — Sputnik, Плиты Фатимæ. Абхазаг адæмон кафт æмæ зарды ансамбль "Эрцаху"-йы рцыдмæ æнхъæлмæ кæсынц Хуссар Ирыстоны. Æфсымæрон республикæйы сфæлдыстадон къорд цхинвайлæгты зæрдæтæ барухс кæндзæн 12 апрелы, фехъусын кодта Sputnik "Симд"-ы сæйраг администратор Гаглойты Кристина.
Уазæг ансамблы концерт суыдзæн кафт æмæ зарды дыккаг гуырахстджын мадзал ацы азы райдианæй. Уымæй размæ, 5 апрелы Цхинвалы концерт ратдзæн "Симд".
"Абхазаг адæмон кафты ансамбль "Эрцаху" Цхинвалмæ æрцæудзæн Цæгат Кавказы йæ гастролон туры фæлгæтты. Бон раздæр уыдон се сфæлдыстадæй барухс кæндзысты аивадуарзджыты Дзæуджыхъæуы", — загъта Гаглойты Кристина.
Ансамбль "Эрцаху" уæвынад кæны ныр 40 азы дæргъы. Фæстаг æзты йæ аивадон къухдариуæггæнæгæй нысан æрцыд Абхазы культурæйы кусæг, Хуссар Ирыстоны сгуых артист Вианор Логуа.
