ЦХИНВАЛ, 28 мар — Sputnik. Хуссар Ирыстоны паддзахадон университеты студенттæ Плиты Андрей æмæ Габатты Альберт популярон цхинвайлаг кафетæй иуы æмархайдæй райдыдтой хæрзаудæн проект сидзæр сыввæллæттимæ. Цхинвалы скъола-интернаты хъомылгæнинæгтæ кафейы æфсапъæты хъусдарды бын ахуыр кæндзысты хæринаг аразын.
Либерти
© Sputnik / Наталья Айриян
"Алкæцы адæймагæн дæр æнæмæнг у хæрзад хæринаг скæнынмæ арæхсын æмæ нæм фæзынд ахæм хъæппæрис. Тынг æхсызгонæй йыл сæмбæлдысты сывæллæттæ дæр", — загъта Габатты Альберт.
Плиты Андрей та радзырдта, ацы проектæн баххуыс кæнын кæй бафæндыд бирæты æмæ сæм æрбацыд 40 адæймаджы бæрц.
