ЦХИНВАЛ, 29 мар — Sputnik. Уæрæсейы фыццæгæм апрелæй фæфылдæр уыдзысты социалон пенситæ, уый тыххæй барамынд бафыста УФ хицауады сæрдар Дмитрий Медведев, хъусын кæны Националон телекомпани "Осетия-Ирыстон".
Хуссар Иры цæрджытæ фылдæр бæрцæй УФ æмбæстæгтæ кæй сты, уымæ гæсгæ сæ фылдæр пенситæ исынц Уæрæсейы.
"Индексаци ацæудзæн 2,9% æмвæзадыл æмæ экспертты нымадмæ гæсгæ фиддонтæм æрбафтдзæн 255 сомы. Ацы хæрдзтæн азы кæронмæ федералон бюджетæй хицæн æрцæудзæн 10 млрд сом. Уымæй дарддæр ма фæфылдæр уыдзысты СФХ ветерантæ æмæ æфсæддонты пенситæ", — дзырдæуы хъусинаджы.
Индексаци бандавдзæн Уæрæсейы æмбæстæгтæй 4 милуаныл.
