ЦХИНВАЛ, 2 апр — Sputnik. Паддзахадон академион Мариинаг театры генералон директор Гергиты Валерий ссис Людвиг Нобелы номыл уæрæсейаг премийы лауреаттæй иу. Хорзæхтæ раттыны XIII церемони уагъд æрцыд Паддзахадон комплекс "Конгресты галуан"-ы Санкт-Петербурджы 31 марты, хъусын кæны телеканал "Россия – Культура".
Ӕдæппæт мадзалы рахицæн кодтой авд адæймаджы. Зындгонд дирижерæй дарддæр ма хорзæхтæ лæвæрд æрцыдысты историйы профессор Джеймс Хедли Биллингтон, Франкаг-уæрæсейаг базарадон-сæудæджерадон палатæйы президент Эммануэль Киде, Уæрæсейы æфсæддон тæхæг Николай Антошкин, кинорежиссер Андрей Кончаловский, нывгæнæг Эдуард Кочергин æмæ А.С. Пушкины номыл æппæтуæрæсейаг музейы директор Сергей Некрасовæн.
Премийæн 1888 азы бындур æрæвæрдтой "Нобель æфсымæрты æмбалад" зындгонд уырыссаг ахуыргонд æмæ меценат Людвиг Нобелы номыл. Сæндидзыны фæстæ, преми райста ног нысаниуæг, персоналон лæггæдты тыххæй цы адæмæн лæвæрд цæуы, уыдон нымæц дæр фæфылдæр. Раздæр хорзæх лæвæрд цыд æрмæстдæр зонад æмæ техникæйы къабазы иртæстытæ æмæ куыстыты тыххæй.
