ЦХИНВАЛ, 5 апр — Sputnik. Хуссар Ирыстоны сарæзтой Паддзахадон унитарон куыстуат "Ирбис", уырдæм куыстмæ рахызтысты æнæведомствæйон хъахъхъæнынады управленийы кусджытæй дыууæ сæдæйы бæрц, хъусын кæны ведомствæйы пресс-службæ.
Фарон октябры МХМ фехъусын кодта, кæй фæкъаддæр кæндзæн йæ хисæрмагонд сконды нымæц. 2019 азмæ ведомствæйы кусджыты нымæц ныры 1600 –йæ хъуамæ фæкъаддæр уа 1150-йы онг. МХМ-ы пресс-службæйы загътой, "Ирбис" кæй фæзынд Ӕнæведомствæйон хъахъхъæнынады хайады реорганизацийы фæстиуæгæн.
"Ирбис"-ы кусджыты сифтонг кодтой ног дарæсæй куыстуаты символикæимæ, рахицæн сын кодтой кусæгон автотранспорт æмæ сæ ныддих кодтой посттæм гæсгæ.
"Ирбис"-ы хъахъхъæнынады бын ныртæккæ ис 30 паддзахадон объекты бæрц. Ӕрвылбон радгæсад хæссынц куыстуаты 60 кусæджы, уыдонæн сæ 75% сты æрыгон лæппутæ", — загъта куыстуаты директор Ӕлборты Хасан.
Йæ ныхæстæм гæсгæ, коллективы ис фæлтæрдджын, профессионалон кусджытæ, "сæйраджыдæр кадрон кусджытæ, бухгалтертæ, кæцытæ дæргъвæтин æзты фæкуыстой МХМ-ы æмæ рацыдысты пенсийы".
