ЦХИНВАЛ, 5 апр — Sputnik. Цæгат Иры Националон зонадон библиотекæ ракодтой "цифрæмæ" ирон литературæйы классикты уацмыстæ, хъусын кæны ПТРК "Алания".
Нырыккон технологитæм раконд æрцыд ирон классикты сфæлдыстадон хæзна – ныр кæсджытæн ис фадат Хетæгкаты Къоста, Малиты Георгий, Гуырдзыбегты Бласкъæ, Калоты Хазби, Кочысаты Мухарбег, Кочысаты Розайы уацмыстæ æмæ уацтæ электронон хуызы бакæсын.
Уымæй дарддæр ма, библиотекæ æрбайгом кодта мультимедийон проект "Ирыстоны литературон картæ" – йæ фæрцы уыдзæн базонын националон литертурæ æмæ Хуссар æмæ Цæгат Ирыстоны литературон царды тыххæй алцыдæр.
Пайдагæнджытæн ма уыдзæн фадат базонгæ кæнын литературон цыртдзæвæнтимæ, фысджыты нæмттæ цы уынгтæн радтой, уыдонимæ, афтæ ма Ирыстоны библиотекæтæ æмæ музейтимæ.
