ЦХИНВАЛ, 6 апр — Sputnik, Козаты Диана. Уæрæсе æмæ Хуссар Ирыстоны дыууæ мин æфсæддон службæгæнæджы æмæ 500 иуæджы æфсæддон техникæ исынц хайад 58-æм æфсады командон-штабон ахуырты, фехъусын кодтой Хуссар Ирыстоны хъахъхъæнынады министрады.
Ахуыртæ цæуынц Хуссар æмæ Цæгат Ирыстоны иумæйагæфсæддон полигонтæ "Дзарцъем" æмæ "Тарскæ"-йы. Снысангонд хæслæвæрдтæ хуссарирыстойнаг æфсады дæлхайæдтæ æххæст кæнынц УФ-йы хъахъхъæнынады министрады 4-æм гвардейон æфсæддон базæйы дæлхайадтимæ.
"Ахуыртæ райдыдтой 2 апрелы, хайад дзы исынц дыууæ мин æфсæддон службæгæнæджы æмæ 500 иуæджы æфсæддон техникæ", — загътой хъахъхъæнынады министрады пресс-службæйы.
Министрады минæвæртты ныхæстæм гæсгæ, Хуссар Ирыстоны Гарзджын тыхты хайадист уæрæсейаг æфсады ахуырты ахъаз уыдзæн дыууæ бæстæты хъахъхъæнынадон ведомствæты æмархайд фæхуыздæр кæнынæн.
