13 сыгъзæрины: æвæлтæрд боксертæ басастой цæгаткавказаг ерыстæ Минводты

© Из архива Ирбега КокоеваБоксы скъолайы хъомылгæнинæгтæ
Боксы скъолайы хъомылгæнинæгтæ - Sputnik Хуссар Ирыстон
Рафыссын
Цхинвайлаг боксертæ фылдæр бæрцæй фыццаг хатт архайдтой æхсæнадæмон турниры, фæлæ, уымæ æнæкæсгæйæ, равдыстой нывыл бæрæггæнæнтæ - 13 ссисты чемпионтæ, æртæйæ та схызтысты дыккаг бынатмæ

ЦХИНВАЛ, 16 апр — Sputnik, Плиты Фатимæ. Хуссар Ирыстоны сывæллæтты æмæ æрыгон фæсивæды боксы скъолайы хъомылгæнинæгтæй 13 æрхастой сыгъзæрин майдантæ Минводты гом турнирæй, фехъусын кодта Sputnik скъолайы минæвар Кокойты Ирбег.

Ерыстæ ахицæн сты хуыцаубоны, архайдтой дзы Цæгат Кавказы тыхджындæр чысыл боксертæ — 10-12 азы кары категориты.

"Боксерты къорды мæ хъомылгæнинæгтæ уыдысты фондзæй, уыдонæй цыппар райстой фыццаг бынæттæ, Дзеранты Дмитрий дæр кæд финалы йæ ныхмæлæууæгæй лæмæгъдæр нæ уыд, уæддæр тæрхонгæнджытæ фыццаг бынат радтой бынæттон лæппуйæн. Боксертæн сæ фылдæр уыдысты фæсарæйнаг ерысты фыццаг хатт, фæлæ равдыстой иттæг хорз бæрæггæнæнтæ. Фæлтæрддзинадæй дарддæр лæппуты турнир разæнгард кæны ноджы хуыздæр сæхиуыл кусынмæ", — радзырдта Sputnik тренер Куымæридтаты Родион.

Уый ма бафиппайдта, ацы фæсивæды иу хай та майы кæй стох кæндзæн ног ерысты Кæсæг-Балхъары республикæйы. Минводты гом турниры йæ хъомылгæнинæгтимæ иумæ архайы ныр дыккаг аз фæд-фæдыл тренер Дзигойты Ацæмæз дæр. Ацы хатт дæр та фæсивæд сæ ныфс нæ фæмæнг кодтой.

© Кокойты Ирбегы архивæй къамБоксы скъолайы хъомылгæнинæгтæ
Боксы скъолайы хъомылгæнинæгтæ - Sputnik Хуссар Ирыстон
Боксы скъолайы хъомылгæнинæгтæ

Боксы скъолайы хъомылгæнинæгтæй дарддæр ма боксерты къордмæ бамбал ис Цхинвалы æндæр секцийы хъомылгæнинаг – Ян Яралов, уый дæр æрыздæхт сыгъзæрин майданимæ.

Ацы 12 лæппуйы Хуссар Ирыстоны сывæллæтты æмæ æрыгон фæсивæды боксы скъолайы цæттæ кæнынц тренертæ Плиты Азæмæт, Чехойты Алан, Дзигойты Ацæмæз, Куымæридтаты Родион, Тедеты Алик, Куымæридтаты Руслан æмæ Къалаты Георгий. Скъолайæн разамынад дæтты Кокойты Мурат.

Цæгаткавказаг ерыстæм ацæуынæн боксерты къордæн транспорт рахицæн кодта Хъахъхъæнынады министрад. Турниры архайдтой 100 боксерæй фылдæр.

Ног хабӕртты лентӕ
0