ЦХИНВАЛ, 20 апр — Sputnik, Козаты Диана. Уӕрӕсейы Федерацийы Советы уӕнг Фадзайты арсен бахатыд Хуссар Ирыстоны парламенты спикермӕ, цӕмӕй йын рахицӕн кӕной Цхинвалы закондӕттӕн органы бӕстыхайы хатӕй йӕ ӕхсӕнадон исӕнуатӕн.
Цхинвалы майрӕмбоны уагъд ӕрцӕудзӕн Хуссар Ир ӕмӕ Федерацийы Советы хсӕн ӕмгуыстады фӕдыл къамисы рабадт. Фембӕлды хайад райсыны тыххӕй хуссарирыстойнаг столицӕмӕ ӕрцыдысты уӕрӕсейаг парламентарийты делегаци, йӕ сӕргъ къамисы уӕрӕсейаг ӕмсӕрдар Сергей Цеков. Делегацийы сконды ма сты сенатортӕ елена Бибикова ӕмӕ Фадзайты Арсен.
"Махӕн бирӕ цӕуылдӕрты нӕ бон у бандавын, ӕмӕ нӕ фӕнды хорзӕй исты саразын", — загъта Фадзайты Арсен спикеримӕ фембӕлды рӕстӕджы.
Сенатор зӕрдыл ӕрлӕууын кодта, уымӕн раздӕр дӕр ацы бӕстыхайы кӕй уыд кабинӕт, ӕмӕ бахатыд, цӕмӕй "йын фадат радтой ногӕй бакӕнын ӕхсӕнадон исӕнуат Цхинвалы".
"Нӕ делегацийӕн ам исӕнуат куы кусид, уӕд-иу ӕрцӕуиккам мӕй иу-дыууӕ хатты ӕмӕ исиккам адӕмы. Хорзӕй дарддӕр уый ницы раддзӕн", — банысан кодта сенатор.
Гасситы Петр банысан кодта, ацы фарст кӕй ӕрцӕудзӕн скъуыддзаг.
