ЦХИНВАЛ, 25 апр — Sputnik. Джӕуджыхъӕуы цӕрджытӕ хъаст кӕнынц, "Олимпиаг парчы" районы кӕй сбирӕ сты кӕлмытӕ, хъусын кӕны 15 регион.
"Ӕз цӕрын "Олимпиаг парчы" цур. Нӕ фарсмӕ ис ӕнӕркаст бынат, уырдыгӕй кӕлмытӕ ӕрбабырынц нӕ уынгмӕ. Парк ӕмӕ уыцы ӕнӕркаст бынаты хсӕн ис ахизӕн, фӕлӕ дзы ничиуал цӕуы, уымӕн ӕмӕ дзы ӕппынӕдзух ис кӕлмытӕ", — дзуры районы цӕрджытӕй ис.
Бынӕттон цӕрджытӕ курынц бӕрнон структурӕтӕй аздахын хъусдард ацы проблемӕмӕ ӕмӕ аскъуыддзаг кӕнын ӕнӕркаст бынаты фарст, цыран ӕбырд кӕнынц бырӕттӕ ӕмӕ кӕлмытӕ.
Специалисттӕ та уынаффӕ кӕнынц цӕрджытӕн ма тӕрсын, зегъгӕ, сӕ сӕртыл бур тӕппытимӕ кӕлмытӕ хъӕстӕ не сты.
"Уый у хуымӕтӕг бурхъус калм ӕмӕ бынтондӕр нӕу тӕссаг. Цӕрджытӕн уынаффӕ кӕнын ма куынӕг кӕнын кӕлмыты, уымӕн ӕмӕ калм кӕм ис, уым экологи у хорз, уыдон сты пайда ӕрдзӕн. Уымӕй дарддӕр ма уыдон куынӕг кӕнынц алыгъуызон зианхӕссӕг цӕрӕгойты", — уавӕрӕн комментарийтӕ сарӕзта серпентолог Тауасты Руслан.
