ЦХИНВАЛ, 28 апр — Sputnik, Плиты Фатимæ. Цхинвайлаг спортсменкæ Елбачиты Ирина ссис Уæрæсейы клубон чемпионаты бронзæйон призер, фехъусын кодта Sputnik спортсменкæйы тренер Джиоты Мириан.
Тренеры ныхæстæм гæсгæ, Елбачиты Иринайы размæ хуссарирыстойнаг теннисисттæй ахæм æнтыст никæй къухы бафтыд. Чемпионаты уый тох кодта мæскуыйаг командæ "Покровка"-йы сконды.
"Ерысты Елбачиты Иринайы къуыхы бафтыд цалдæр уæлахизы, уый фæрцы командæ "Покровка" ссис Уæрæсейы клубон чемпионаты бронзæйон призер", — загъта тренер.
Елбачиты Ирина мæскуыйаг командæйы скондмæ цалынмæ нæ бацыд, уæдмæ хъахъхъæдта Хуссар Ирыстоны спортивон кад, у спорты мастермæ кандидат.
