Уарзæгой Маштибат: "Симд" сæвæрдта ног кафт

© Sputnik / Ада БагианКонцерт государственного ансамбля "Симд"
Концерт государственного ансамбля Симд - Sputnik Хуссар Ирыстон
Бафыссын
Yandex newsTelegram
Номыры уарзондзинады темæ раргом кæндзысты кафджытæ Хуыгаты Диана, Елойты Къæдзæх æмæ Лолаты Андрей

ЦХИНВАЛ, 3 май — Sputnik, Плиты Фатимæ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд" хоны цхинвайлæгты ранæуæггонд программæмæ. Сæлдыстадон къорд йæ сæйраг нывæзтæй дарддæр ирон аивадуарзджытæн равдисдзæн ног кафт, фехъусын кодта Sputnik "Симд"-ы сæйраг администратор Гаглойты Кристина.

Симд - Sputnik Хуссар Ирыстон
"Фыййæутты хъазт" æмæ "Абхазаг" кæфтытæ: "Симд" хоны ног программæмæ

Паддзахадон коллектив ацы аз дæтты Цхинвалы йæ дыккаг концерт. Мæйы размæ уый бавдыста дыууæ ног номыры — "Фыййæутты" æмæ "Абхазаг" кæфтытæ.

"Симд"-æн 11 майы ацæудзæн йæ дыккаг концерт ацы аз. Къорд йæ разамынадимæ бацæттæ кодтой ранæуæггонд нывæзт. Кæсджытæ фендзысты ног номыр "Уарзæгой Маштибат". Сюжет амад у дыууæ лæппуйы уарзондзинадыл сылгоймагмæ. Æххæст æй кæныц Хуссар Ирыстоны сгуыхт артисткæ Хуыгаты Диана, кафджытæ Елойты Къæдзæх æмæ Лолаты Андрей", — загъта Гаглойты Кристина.

Уæрæсейы сгуыхт артист, Цæгат Ирыстоны æмæ Цæцæн-Мæхъæлы сгуыхт артист, ансамбль Алан-ы легендарон солист Булацаты Таймураз - Sputnik Хуссар Ирыстон
Булацаты Таймураз "Симд"-ы кафджытæ, "Алан"-ы триумф æмæ ирон аивады тыххæй

Хуссар Ирыстоны паддзахадон ансамбль "Симд"-ы сæйраг балетмейстерæй æрæджы нысан æрцыд Уæрæсейы, Цæгат Ирыстон æмæ Цæцæн-Мæхъæлы сгуыхт артист, ансамбль "Алан"-ы раздæры солист Булацаты Таймураз. Уый размæ та уый куыста коллективимæ хуынд специалистæй. Дыууæ мæймæ коллектив ног балетмейстеримæ сæвæрдтой ныр æртыккаг кафт.

Концерт ацæудзæн ПККЗ "Чермен"-ы, 11 майы 19:00 сахатыл.

Ног хабӕртты лентӕ
0