ЦХИНВАЛ, 4 май — Sputnik. Хъесаты Илона бахауд ӕхсӕнадӕмон музыкалон конкурс Music Parking-ы финалистты нымӕцмӕ, хъусын кӕны конкурсы официалон сайт. Кӕройнаг этап уагъд ӕрцӕудзӕн Мӕскуыйы 4 майы.
Хъесаты Илона ахызт ӕвзӕрсты этап, цы ран жюри сбӕрӕг кодта зарӕггӕнӕджы вокалон курдиат. Финалистты номхыгъды ис 30 адӕймаджы, кӕцыты равзӕрстой 200 хайадисӕгӕй.
Музыкалон марафоны хайадисджытӕн ис фадат равдисын сӕ курдиат, афтӕ ма стох кӕнын эстрадӕ ӕмӕ джазы стъалытимӕ иу сценӕйыл сӕхи равдисыны фадатыл. Жюрийы сконды ис ӕрмӕст дӕр профессионалтӕ, стыр вокалон конкурсты уӕлахиздзаутӕ, сӕ нымӕцы оперон зарӕггӕнӕг, Хуссар ӕмӕ Цӕгат Иры сгуыхт артисткӕ, "Bella Voce" премийы уӕлахиздзау Амага Готти.
