ЦХИНВАЛ, 14 май — Sputnik. Уӕрӕсейаг компани "Газпром Трансгаз"-ы кусджытӕ фесты сӕ куыстытӕ Цхинвалы газы хӕтӕлтыл, газифтонгад Хуссар Ирыстоны столицӕйы сног ис ӕрвылбонон режимы, фехъусын кодта Sputnik Паддзахадон унитарон куыстуат "Энергоресурс"-ы структурон дӕлхайады сӕргълӕууӕг Табуты Нугзар.
Цхинвалы газы алӕвӕрд ӕрурӕдтой къуырисӕры райсом горӕты газы хӕтӕлтыл нывӕзтон куыстыты тыххӕй.
"Куыстытӕ банысангонд ӕмгъуыдмӕ сӕххӕст кодтой кӕронмӕ. Газифтонгад сног ис ӕрвылбонон режимы", — радзырдта Табуты Нугзар.
Хуссар Ирыстонмæ газ цæуы Уæрæсейæ магистралон газы хæтæлыл "Дзуарыхъæу — Цхинвал". Ныртæккæ Хуссар Ирыстоны æрдзон газæй ифтонг у æрмæстдæр республикæйы столицæ Цхинвал æмæ æввахс хъæутæй иу. Газуарæг хæтæлты арæзтад Хуссар Ирыстоны райдайдзæн 2019 азы.
