ЦХИНВАЛ, 17 май — Sputnik. Хуссар Ирыстоны ӕнӕниздзинад хъахъхъӕнынад ӕмӕ социалон райрӕзты министр Тотчиты Георгий йӕ кусӕгон балцы Мӕскуымӕ фембӕлд Уӕрӕсейы ӕппынӕдзух профессионалон ахуырады медицион академийы (УӔПАМА) ректор, академик Лариса Мошетоваимӕ, хъусын кӕны уагдоны пресс-службӕ.
Фембӕлды лӕмбынӕг ӕрдзырдтой профессионалон цӕттӕкӕнынады организацийы фарстытыл, кфалификаци фӕуӕлдӕр кӕныныл, афтӕ ма хуссарирыстойнаг дохтырты ординатурӕйы ахуыр рацӕуыны тыххӕй дӕр.
Тотчиты Георгий бадзырдта УӔПАМА-йы ректоримӕ организацион ӕмӕ методикон ӕххуысыл ӕппынӕдзух профессионалон медицинон ахуырады Хуссар Ирыстоны дохтыртӕн.
Афтӕ ма РХИ ӕнӕниздзинад хъахъхъӕнынады министр ӕрдзырдта Хуссар Ирыстоны социалон ӕдасдзинады райрӕзты тыххӕй дӕр УФ сенатор Елена Бибиковаимӕ.
Фембӕлды бадзырдтой консультацитӕ ауадзын ӕмӕ иудадзыг методикон ӕххуыс бакӕнын республикӕйӕн социалон ӕдасдзинады райрӕзты фарстыты.
