ЦХИНВАЛ, 21 май — Sputnik. Цӕгат Ирыстоны Рахизфарс районы Цӕлыккы хъӕуы къӕвдаты аххосӕй бирӕ хӕдзӕрттӕ фесты доны бын. Уый тыххӕй республикӕйы Уӕлвӕткон уавӕрты министрад (УУМ) бакодта ацы цӕрӕг пункты уӕлвӕткон уавӕры режим, хъусын кӕны уагдоны пресс-службӕ.
"Хъӕуы дарддӕр цӕуынц хӕдзӕрттӕй дон цъирыны куыстытӕ. Хӕдзӕрттыл зилынц зианы гуырахст сбӕрӕг кӕныны нысанӕн, афтӕ ма бӕрӕг кӕнынц ӕмбӕстӕгты, кӕцыты фӕнды ӕрбынат кӕнын рӕстӕгмӕ дарӕн пунктты. Ацы рӕстӕгмӕ ахӕмты не ссардтой. Социалон бынсӕфт нӕ бауагътам", — банысан кодтой УУМ-ы.
Сбӕлвырдгонд ӕрцыд, 39 хӕдзары кӕй фесты доны бын. УУМ цӕлцӕгон-аварион куыстытӕм ӕрбакодтой 40 адӕймагӕй фылдӕр ӕмӕ техникӕйы 12 иуӕджы.
