ЦХИНВАЛ, 23 май — Sputnik, Плиты Фатимæ. Хуссар Ирыстоны Дзауы районы самбойы секцийы хъомылгæнинæгтæ бацахстой призон бынæттæ Цæгат Ирыстоны фыццагады, фехъусын кодта Sputnik спортсменты тренер Беджызаты Гия.
Æвзист майдантæ рамбылдтой Козаты Георгий, Беджызаты Арсен æмæ Тедеты Гæмæт.
"Авд спортсмены акодтам æмæ дзы æртæйæ ахызтысты финалмæ. Æвзист призертæ сситы Козаты Георгий (46 кг), Беджызаты Арсен (60кг), Тедеты Гæмæт (66кг). Хорз бæрæггæнæнтæ равдыстой, бæргæ уæлахиздзаутæ куы суыдаиккой, фæлæ Цæгат Ирыстоны хъæбысхæсты скъола у тынг размæцыд æмæ дзы уыд фидар ныхмæлæуджытæ", — загъта тренер.
Уый ма банысан кодта, сабаты та сæхæдæг Дзауы районмæ кæй æрхондзысты Ирыстоны дыууæ хайы самбистты СФХ хъайтар Хъоцыты Константины номарæн турнирмæ.
Спортсменты бацæттæ кодтой тренер Беджызаты Гия æмæ скъолайы директор Хъоцыты Тамерлан.
