ЦХИНВАЛ, 23 май — Sputnik. Уӕрӕсейы Мидхъуыддӕгты министрады (МХМ) уголовон агуырды раздӕры дӕлбулкъонӕн аиуварс кодтой йӕ апелляционон хъаст йӕ тӕрхоны фӕдыл, хъусын кӕны РИА Новости барадхъахъхъӕнӕг органты раздӕры кусӕджы адвокаты ныхӕстӕ.
Саулохты Вадимӕн Мӕскуыйы тӕрхондӕттӕй иу рахаста тӕрхон фарон ноябры.
Саулохты Вадимӕн ацух кодтой йӕ дӕлбулкъоны ном ӕмӕ йӕ фӕивар кодтой 16,4 миллион сомы. Куы йӕ рауадзой, уӕд ын нӕ уыдзӕн бар ӕртӕ аз кусын барадхъахъхъӕнӕг органты.
"Апелляционон хъасты ӕз куырдтон ӕркӕсын ногӕй тӕрхонмӕ ӕмӕ сраст кӕнын Саулохты Вадимы, фӕлӕ Мӕскуыйы тӕрхондон ныууагъта скъуыддзаг ӕнӕ ивдӕй", — загъта адвокат.
Афтӕ ма уый бафтыдта, кӕй фӕнд кӕны дарддӕр тӕрхоны фӕдыл хъаст кӕнын ӕмӕ кӕй цӕттӕ кӕндзӕн кассационон хъаст.
Прокурор домдта дӕлбулкъонӕн 12 аз иумӕйаг режимы ахӕстоны фӕбадын ӕмӕ гӕртамӕй 70 хатт фылдӕр ивар.
