ЦХИНВАЛ, 1 июн — Sputnik. Цхинвалы цӕрӕг бахауд административон бӕрны бын гӕн дымыны тыххӕй, хъусын кӕны Хуссар Ирыстоны Мидхъуыддӕгты министрады пресс-службӕ.
Хуссар Ирыстоны столицӕйы 32-аздзыд цӕрӕджы наркологон диспансермӕ бакодтой ӕртыццӕджы, 30 майы.
"Знауыры районы Мидхъуыддӕгты управленийы кусджытӕ Лисайы хъӕуӕй наркологон диспансермӕ ӕркодтой Цхинвалы 32-аздзыд цӕрӕджы. Медицинон басгӕрст сбӕрӕг кодта, ӕвзонг нӕлгоймаг кӕй дымдта наркологон буарад "гӕн", — радзырдтой МХМ.
Знауыры районы тӕрхондон уынаффӕ рахаста фӕткхалӕджы фӕивар кӕнын аст мин сомы.
