ЦХИНВАЛ, 4 июн — Sputnik. Цхинвалы цӕрӕг сылгоймаг, автомашинӕ ВАЗ-21725 нозтджынӕй скъӕргӕйӕ ссис фӕндагон-транспортон цауы хайадисӕг, хъусын кӕны республикӕйы Мидхъуыддӕгты министрады (МХМ) пресс-службӕ.
Цау ӕрцыд 4 июны, 3:15 сахатыл фӕндаг Цхинвалы-Ленингоры ӕхсӕзӕм километрыл.
"Цхинвалы 19-аздзыд цӕрӕг чызг автомашинӕ ВАЗ-21725-ыл нӕ сырӕхст хӕдтулгӕ скъӕрын ӕмӕ сфӕлдӕхт. Цауы фӕстиуӕгӕн шофыр алыгъуызон буары цӕфтимӕ аластой республикон рынчындонмӕ Цхинвалмӕ", — хъусын кӕны МХМ.
Медицион протоколмӕ гӕсгӕ, шофыр уыд нозтджын. Басгӕрст уадзы Цхинвалы районы Мидхъуыддӕгты управлени.
