Хуссар Ирыстоны уыдзӕн ӕхсӕзбонон кусӕгон къуыри

© Sputnik / Наталья АйриянЛенингоры район
Ленингоры район - Sputnik Хуссар Ирыстон
Рафыссын
Уӕрӕсейы боны цытӕн республикӕйы баулӕфдзысты ӕртӕ боны, кӕцыты размӕ та уыдзӕн ӕхсӕзбонон кусӕгон къуыри

ЦХИНВАЛ, 4 июн — Sputnik. Хуссар Ирыстоны Уӕрӕсейы боны фӕдыл 11 ӕмӕ 12 июнь уыдзысты улӕфт бонтӕ, фехъусын кодтой Sputnik РХИ президенты администрацийы. Афтӕмӕй, республикӕйы цӕрджытӕ улӕфдзысты ӕртӕ боны фӕд-фӕдыл — хуыцаубон, къуырисӕр ӕмӕ дыццӕджы (10, 11 ӕмӕ 12 июнь).

"Улӕфты бон къуырисӕрмӕ ахастой сабатӕй, 9 июнӕй, уый фӕдыл ацы кусӕгон къуыри Хуссар Ирыстоны уыдзӕн ӕхсӕзбонон", — загътой администрацийы.

Уӕрӕсейы бон у иууыл ӕвзонгдӕр паддзахадон бӕрӕгбӕттӕй сӕ иу, нысан кӕнын ӕй райдыдтой 1990 азӕй фӕстӕмӕ, Уӕрӕсейы адӕмон депуттаты съезд паддзахадон суверенитеты Деклараци куы райста, уӕдӕй. Хуссар Ирыстоны ацы датӕ у улӕфты бон 2005 азӕй фӕстӕмӕ.

Ног хабӕртты лентӕ
0