ЦХИНВАЛ, 7 июн — Sputnik. Хуссар Ирыстоны столицӕйы ЦАРЗ-ы районы дысон изӕр райдыдтой агурын Цхинвалы 51-аздзыд цӕрӕджы, кӕцы фесӕфт Стыр Леуахийы найыны рӕстӕджы, фехъусын кодта Sputnik РХИ УУМ.
Цауы тыххӕй уагдонмӕ фехъусын кодтой нӕлгоймаджы хӕстӕджытӕ 6 июны, изӕры фондз сахатыл. УУМ кусджытӕ ауагътой агуырдон-ирвӕзынгӕнӕн операци Цхинвалы хуссар кӕроны, цы ран нӕлгоймаг ныххаудта цӕугӕдонмӕ, фӕлӕ йӕ нырма не ссардтой.
Афтӕ ма уагдоны банысан кодтой, зӕгъгӕ, нӕлгоймаджы ӕвӕццӕгӕн цӕугӕдон аласта Гуырдзыстоны территоримӕ.
