ЦХИНВАЛ, 8 июн — Sputnik, Плиты Фатимæ. Цхинвалы администрацийы сæрмагонд службæтæ ссыгъдæг кодтой сæрдмæ горæты иунæг цад. Фæлæ улæфæн сезон конд æрцæудзæн æрмæстдæр санитарон службæты басгæрсты фæстæ, фехъусын кодтой Sputnik горæты администрацийы пресс-службæйы.
Сæрды къæсæрыл горæты иунæг цады алыварс сарæх вæййынц хъаугъатæ, санитарон службæты фæдзæхстытæм æнæкæсгæйæ дзы адæм уæддæр фæнайынц сæхи.
"Горæты администрацийы æмбæлон структурæтæ ныссыгъдæг кодтой цад, ныридæгæн уый йедзаг кæны донæй. Санитарон службæтæ донæй систой сахуыр кæнынæн æмæ сæ хатдзæджы фæстæ скъуыддзаг цæудзæн улæфæн сезон бакæныны фарст", — загъта пресс-службæйы кусæг Коцты Зæринæ.
Уый ма радзырдта, цады алыварс территори дæр кæй æрцыд æфснайд, æвæрд дзы æрцыдысты бандæттæ, скуыддзаг цæуы ирвæзынгæнджыты куыстмæ бамхиц кæныны фарст.
