ЦХИНВАЛ, 14 июн — Sputnik. Цӕгат Ирыстон ӕмӕ Иран бакӕндзысты студенттӕ ивыны программӕ, хъусын кӕны национ ахастыты фӕдыл РЦИ министр Цуциты Асланы ныхӕстӕ Градус Осетии.
Ӕхсӕнпаддзахадон программӕ студентты ивыны фӕдыл реализаци цӕуы 2017 азы Хетæгкаты Къостайы номыл ЦИПУ æмæ Алламе Табатабаийы номыл Тегеранаг университеты æхсæн æмгуыстады фæдыл бадзырд бафыссыны фæрцы.
Цӕгатирыстойнаг уӕлдӕр ахуыргӕнӕндӕтты студенттӕн фадат уыд Иранмӕ ацӕуцынӕӕн, ӕвзаг сахуыр кӕнынӕн. Ирайнаг университетты студенттӕ та цӕудзысты Ирыстонмӕ.
"Ирайнаг фарсы цымыдис кӕны Цӕгат Ирыстонимӕ ӕмгуыстады фарст. 2018 азы нӕ республикӕйы арӕзт ӕрцыд уӕрӕсейаг-ирайнаг хӕлардзинады ӕхсӕнад, дыккаг Санкт-Петербурджы фӕстӕ. Ӕмӕ мах кусдзыстӕм нӕ фӕндтӕ сӕххӕст кӕныныл", — загъта Цуциты Аслан.
Министр ма бафтыдта, кӕй ма фӕнд кӕнын рауӕрӕх кӕнын ӕхсӕнпаддзахадон культурон программӕ дыууӕ республикӕйы сфӕлдыстадон къорды ралӕудты руаджы.
