Хуссар Ир ӕмӕ Хъырым бадзырдтой бизнесы къабазы ӕмгуыстадыл

© Sputnik / Наталья АйриянХуссар Ир ӕмӕ Хъырым бадзырдтой бизнесы къабазы ӕмгуыстадыл
Хуссар Ир ӕмӕ Хъырым бадзырдтой бизнесы къабазы ӕмгуыстадыл - Sputnik Хуссар Ирыстон
Рафыссын
Хуссарирыстойнаг амалиуӕггӕнджыты продукци тагъд фӕзындзӕн хъырымаг дуканиты

ЦХИНВАЛ, 20 июн — Sputnik, Гӕбӕраты Ян. Хуссар Ирыстон ӕмӕ Хъырымы базарадон-сӕудӕджерадон палатӕтӕ бафыстой бадзырд сӕудӕджерад, базарад ӕмӕ бизнесы фадыджы ӕмгуыстады райрӕзты фӕдыл.

Бафысты церемони уагъд ӕрцыд ӕртыццӕджы Хуссар Ирыстоны хицауады агъуысты. Документы бын сӕ къухтӕ бафыстой Хуссар Ирыстоны базарадон-сӕудӕджерадон палатӕйы сӕргълӕууӕг Ӕлборты Алан ӕмӕ йӕ хъырымаг коллегӕ Артем Мальцев.

© Sputnik / Наталья АйриянХуссар Ир ӕмӕ Хъырым бадзырдтой бизнесы къабазы ӕмгуыстадыл
Подписание соглашений  между ТПП Южной Осетии и Крыма - Sputnik Хуссар Ирыстон
Хуссар Ир ӕмӕ Хъырым бадзырдтой бизнесы къабазы ӕмгуыстадыл

Документмӕ гӕсгӕ, Хуссар Ирыстон ӕмӕ Хъырым райтынг кӕндзысты базайрӕгты баивд ӕмӕ ӕмгуыстад туризм ӕмӕ экономикӕйы фадыджы. Ӕлборты Алан банысан кодта, тагъд рӕстӕджы хуссарирыстойнаг амалиуӕггӕнджытӕн сӕ бон кӕй уыдзӕн сӕ базайрӕгтӕ уӕй кӕнын Хъырыммӕ.

"Тагъд мах цины бафтаудзыстӕм нӕ амалиуӕггӕнджыты, сӕ базайрӕгтӕ куы феной хъырымаг дуканиты, уӕд", — загъта Ӕлборты Алан.

Артем Мальцев банысан кодта, бадзырды реализацийы фыццаг къахдзӕфтӕ кӕй уыдзысты хъӕууонхӕдзарадон продукцийы базартӕ Хъырым ӕмӕ Мӕскуыйы.

"Базарты равдисдзысты хуссарирыстойнаг амалиуӕггӕнджыты продукци, се хсӕн минералон дон дӕр. Ацы базартӕм ӕрхондзыстӕм егъау дилерты, кӕцытӕ фендзысты уӕ продукци", — радзырдта Мальцев.

© Sputnik / Наталья АйриянХуссар Ир ӕмӕ Хъырым бадзырдтой бизнесы къабазы ӕмгуыстадыл
Подписание соглашений  между ТПП Южной Осетии и Крыма - Sputnik Хуссар Ирыстон
Хуссар Ир ӕмӕ Хъырым бадзырдтой бизнесы къабазы ӕмгуыстадыл

Фарсытӕ ма фӕнд кӕнынц бафыссын цалдӕр бадзырды, кӕцыты мидис нырма нӕ хъӕр кӕнынц. Хъырымы минӕвӕрттӕ банысан кодтой, республикӕтӕн кӕй ис стыр потенциал ӕмгуыстадӕн ӕмӕ бирӕ цымыдисон проекттӕн.

"Хуссар Ирыстонмӕ фӕндагыл мах базонгӕ стӕм уӕ ӕрдзимӕ. Ӕз бирӕ рӕтты уыдтӕн, фӕлӕ ахӕм диссаджы рӕсугъд ӕрдз нырма никуы федтон. Ӕз уынын тынг перспективон здӕхтытӕ нӕ республикӕты хсӕн, ис бирӕ цымыдисон проекттӕ, сӕйраджыдӕр, уӕ президентӕй", — загъта Мальцев.

Ног хабӕртты лентӕ
0