ЦХИНВАЛ, 29 июн — Sputnik. Уӕрӕсейы Федерацийы сӕргълӕууӕг фембӕлдзӕн Америкӕйы Иугонд Штатты президент Дональд Трампимӕ Хельсинкийы 16 июлы, хъусын кӕны РИА Новости.
УФ президенты пресс-секретарь Дмитрий Песков фехъусын кодта, зӕгъгӕ, Уӕрӕсе цӕттӕ у къахдзӕфтӕ аразын АИШ-имӕ ахастытӕ сфидар кӕныны тыххӕй, кӕд ӕмӕ америкӕйаг фарс дӕр уымӕ цӕттӕ у, уӕд.
"Уӕрӕсейы Федерацийы президент Владимир Путин раздӕр дӕр дзырдта, Уӕрӕсе кӕй у цӕттӕ АИШ-имӕ ахастытӕ райтынг кӕнынмӕ, кӕд ӕмӕ нӕ америкӕйаг коллегӕтӕ дӕр сты разы, уӕд", — радзырдта уый журналисттӕн.
Фембӕлды рӕстӕджы президенттӕ фӕнд кӕнынц ӕрдзурын УФ ӕмӕ АИШ хсӕн ахастыты райрӕзты перспективӕтыл, афтӕ ма ӕхсӕнадӕмон бонывӕткы актуалон фарстыты фӕдыл дӕр, сӕйраджыдӕр, Сирийы тыххӕй.
