ЦХИНВАЛ, 2 июл — Sputnik. Хуссар Ирыстоны Мидхъуыддӕгты министрады (МХМ) кусджытӕ ӕрцахстой шофыры, кӕцы мӕлӕтдзаг цӕф ныккодта Гуфтайы хъӕуы 81-аздзыд цӕрӕджы, хъусын кӕны барадхъахъхъӕнӕг уагдоны пресс-службӕ.
Трагикон фӕндагон-транспортон цау (ФТЦ) ӕрцыд 30 июны ӕхсӕвы Цхинвал-Дзауы фӕндаджы 17-ӕм километрыл. Фыдгӕнӕг фӕтары ис цауы бынатӕй.
"Оперативон-фӕдагуырды мадзӕлтты рӕстӕджы милицийы кусджытӕ сбӕрӕг кодтой ӕмӕ ӕрцахстой зӕрдӕхсайгӕ адӕймаджы. Уый разынд 38-аздзыд Уӕрӕсейы Федерацийы ӕмбӕстаг, кӕцы басаст йӕ фыдракӕндыл", — банысан кодтой Хуссар Ирыстоны МХМ.
Ацы хъуыддаджы ӕрмӕджытӕ раттой МХМ фӕдагуырды хайадмӕ, банысан кодтой уагдоны.
