ЦХИНВАЛ, 5 июл — Sputnik. Хуссар Ирыстоны паддзахадон арӕны сӕтджыты нымӕц июны фӕфылдӕр дыууӕ хатты маймӕ абаргӕйӕ, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.
Уагдоны банысан кодтой, зӕгъгӕ, ивгъуыд мӕйы арӕнхъахъхъӕнджытӕ ӕрцахстой 73 арӕнсӕттӕджы, кӕд ӕмӕ майы та уыдысты 35. Арӕнсӕтджыты фылдӕр хай ӕрцахстой Гуырдзыстонимӕ арӕныл, 10 та хуссарирыстойнаг-уӕрӕсейаг арӕныл.
"Паддзахадон ӕдасдзинады комитеты арӕнгӕрон службӕ ауагъта равзӕрсттӕ алкӕцы фыдракӕнды фӕдыл дӕр. Процессуалон архайды фӕстиуӕгӕн арӕнсӕтджыты фӕдыл райстой административон мадзӕлттӕ ӕмӕ ауагътой ӕмбарынгӕнӕн ныхас", — банысан кодтой ПӔК.
Уагдоны информацимӕ гӕсгӕ, 45 арӕнсӕттӕджы фӕивар кодтой, 16 фӕдыл та рахастой административон ивар ӕмӕ сӕ арвыстой Хуссар Ирыстоны территорийӕ, ӕхсӕзы та бафӕдзӕхстой.
Арӕнсӕтджытӕ цы ивар бафыстой, уымӕй паддзахады бюджет фӕхъӕздыг 130 мин сомӕй фылдӕр.
