ЦХИНВАЛ, 5 июл — Sputnik. Туркаг горӕт Манавгаты ацыд фестиваль "Истоки", кӕцы уагъд цӕуы ӕхсӕнадӕмон бастдзинӕдтӕ сфидар ӕмӕ уӕрӕсейы культурӕ Туркы спопулярон кӕныны нысанӕн, хъусын кӕны мадзалы официалон сайт.
Уӕрӕсейы ӕмбӕстӕгтӕй дарддӕр ма фестивалы хайад исынц уазджытӕ Хуссар Ирыстонӕй, Америкӕйӕ, Германийӕ, Австрийӕ ӕмӕ Молдовайӕ. Хуссар ӕмӕ Цӕгат Ирыстоны сгуыхт артисткӕ, оперон зарӕггӕнӕг Амага Готти ӕрмӕст йӕ бӕстӕ нӕ равдыста уӕрӕсейаг делегацийы сконды, фӕлӕ ма уыд сывӕллӕтты вокалон конкурсы жюри дӕр, фехъусын кодта социалон хызӕджы уӕрӕсейаг культурӕйы Ӕхсӕнадӕмон фестиваль-конкурсы президент Екатерина Сергеева.
Организатортӕ банысан кодтой, зӕгъгӕ, гала-концерт ӕмӕ Уӕрӕсейаг-туркаг хӕлардзинады Ӕхсӕнадӕмон фестиваль "Истоки"-йы бӕрӕгбонон баконд ӕртымбыл кодта иу мин адӕймаджы.
Фестиваль сарӕзтой Турчы уӕрӕсейаг ӕмбӕстӕгты организациты координацион совет горӕт Манавгаты мэры ӕххуысӕй.
