Дзæуджыхъæуы фæстаг хæрзбон загътой юморист Æлборты Асланæн

Бафыссын
Yandex newsTelegram
Лæппуйы йе ʻнусон бынатмæ афæндараст кæнынмæ æрбацыдысты йæ хиуæттæ, хæлæрттæ, æмкусджытæ æмæ йæ ирд курдиатæн табугæнджытæ

ЦХИНВАЛ, 6 июл — Sputnik. Цæгат Ирыстоны сæйраг горæт Дзæуджыхъæуы йе ʻнусон бынатмæ афæндараст кодтой КВН командæ "Пирамида"-йы архайæг Æлборты Асланы, хъусын кæны 15 регион.

Александр Масляков - Sputnik Хуссар Ирыстон
Масляков Ӕлборты Асланы амӕлӕты тыххӕй: ӕгӕр ӕвзонг уыд мӕлынӕн

Æлборты Аслан архайдта "Пира­мида"-йы сконды, командæ дыууæ хатты ссис вице-чемпион. Йæ фæстаг куысты бынат уыд фыццаг национ телеканал "Осетия-Ирыстон" режиссеры хæсады. Æлборты Асланыл цыд 33 азы.

"Юмористæн хæрзбон загътой йæ хæстæджытæ æмæ хиуæттæ, йе 'мбæлттæ КВН командæйæ, стæй ма сыхаг регионты КВН архайджытæ, йе 'мкусджытæ телеканал "Осетия-Ирыстон"-æй, республикæйы зындгонд артисттæ æмæ æхсæнадон архайджытæ — йæ ирд курдиатæн ын стыр аргъ чи кодта, уыцы адæм", — дзырдæуы хъусинаджы.

Æлборты Асланы мæрдон буар ссардæуыд 4 июлы 5.30 сахатыл Цæгат Ирыстоны Æрæфы районы, хæххон улæфæн базæйы коттеджтæй иуы. Ныртæккæ республикæйы Фæдсгарæн Комитет æххæст кæны хъæугæ бæрæггæнæг мадзæлттæ артисты мæлæты æппæт уавæртæ рабæрæг кæныны тыххæй.

Ног хабӕртты лентӕ
0