ЦХИНВАЛ, 12 июл — Sputnik. Боксӕй дунейы чемпион Гасситы Мурӕт нӕ хъуыды кӕны ӕмӕ йӕ ныхмӕлӕууӕг Боксы ӕппӕтдунейон суперсерийы финалы (WBSS) Александр Усикы кӕй нӕй гӕнӕн рамбулын очкотӕй.
WBSS-ы финалон хыл Гасситы Мурӕт ӕмӕ Александр Усикы хсӕн ацӕудзӕн Мӕскуыйы спортивон комплекс "Олимпийский"-йы 21 июлы.
"Александр Усикы тох Майрис Бриедисимӕ уыд тынг цымыдисон. Фӕнды мӕ ногӕй йӕм бакӕсын. Ӕз хъуыды кӕнын ӕмӕ Усик рамбылдта уыцы хыл ӕнӕ фарстытӕй. Кӕд ӕмӕ мах рымысыдыстӕм йӕ тох Бриедисимӕ, уӕд хъӕуы зӕгъын ӕмӕ тохы фыццаг хай очкотӕй ӕмбылдта Бриедис", — радӕтта Гасситы Мурӕты ныхӕстӕ Уӕрӕсейы боксы федерацийы пресс-службӕ.
Гасситы Мурӕт загъта, зӕгъгӕ, нӕ зоны цы роль ахъаздзӕн уыцы факт, ӕмӕ Усик кӕй уыд йӕ тохы Дортикосимӕ.
"Ӕз федтон хорз адӕймаджы, кӕцы мын ӕргомзӕрдӕйӕ раарфӕ кодта. Ӕндӕр мӕ бон ницы у зӕгъын", — загъта уый.
Суперсерийы уӕлахиздзау райсдзӕн WBSS сӕйраг приз — Мохаммед Алийы кубок.
