ЦХИНВАЛ, 16 июн — Sputnik. Хуссар Ирыстоны президент Бибылты Анатолий уыд футболӕй Дунейы чемпионаты финалон хъазты, кӕцыйы Францийы командӕ рамбылдта Хорватийы, хъусын кӕны РИА Новости.
Хуыцаубоны Францийы командӕ рамбылдта йӕ ныхмӕлӕуджыты Хорватийӕ 4:2 хыгъдӕй ӕмӕ дыккаг хатт ссис футболӕй дунейы чемпион. Турниры фӕстаг хъазты уыд Хуссар Ирыстоны сӕргълӕууӕг.
Афтӕ ма хъазты уыдысты уӕрӕсейаг паддзахады сӕргълӕууӕг Владимир Путин, Франци ӕмӕ Хорватийы президенттӕ Эмануэль Макрон ӕмӕ Колинда Грабар-Китарович дӕр.
Кремлы пресс-службӕ фехъусын кодта, зӕгъгӕ, дунейы чемпионаты финалмӕ ӕрхуыдтой Абхаз, Сомих, Белорусси, Габон, Молдави, Палестина, Судан, Венгри, Сан-Томе ӕмӕ Принсипи, Катар ӕмӕ Киргизийы сӕргълӕуджыты.
