Цхинвалы цӕрӕджы ссардтой мардӕй Гуырдзыстоны территорийыл

© Sputnik / Наталья АйриянЦӕугӕдон
Цӕугӕдон - Sputnik Хуссар Ирыстон
Рафыссын
Кокойты Сергей ацыд хӕдзарӕй 8 июлы, уӕдӕй фӕстӕмӕ нӕлгоймаджы нымадтой ӕбӕрӕгӕй фесӕфӕгыл

ЦХИНВАЛ, 16 июл — Sputnik. Цхинвалы цӕрӕг Кокойты Сергейы мӕрдон буар, кӕцыйы иу къуырийӕ фылдӕр агуырдтой йӕ бинонтӕ ӕмӕ барадхъахъхъӕнӕг органты кусджытӕ, ссардтой Леуахийы Гуырдзыстоны территорийыл, фехъусын кодта Sputnik Хуссар Ирыстоны президенты ӕххӕстбарджын минӕвар Джиоты Мурӕт.

Кокойты Сергей ацыд хӕдзарӕй ӕмӕ нал ӕрбаздӕхт - Sputnik Хуссар Ирыстон
Фесӕфт пенсиисӕг: Цхинвалы цӕрӕг ацыд хӕдзарӕй ӕмӕ нал ӕрбаздӕхт

Мидхъуыддӕгты министрады (МХМ) информацимӕ гӕсгӕ, фӕстаг хатт 81-аздзыд пенсиисӕджы федтой Цхинвалы Октябры уынгыл. Ивгъуыд сабаты йын йӕ мӕрдон буар ссардтой Леуахийы Гуырдзыстоны территорийыл.

"Ныртӕккӕ скъуыддзаг кӕны фарст, цӕмӕй Хуссар Ирыстоны ӕмбӕстаджы мӕрдон буар ӕрбаласой хӕдзармӕ. Гуырдзыстоны Кокойты Сергейӕн уыд дард хӕстӕджытӕ, уыдон аразынц документтӕ, мӕлӕты ӕвдисӕнад. Уый фӕстӕ уыдзӕн бӕрӕг, куыд ын ӕрбаласдзысты йӕ мӕрдон буар йӕ фыдыбӕстӕмӕ", — банысан кодта Джиоты Мурӕт.

Кокойты Сергей куыста хъахъхъӕнӕгӕй республикӕйы информаци ӕмӕ мыхуыры паддзахадон комитеты.

Ног хабӕртты лентӕ
0