ЦХИНВАЛ, 16 июл — Sputnik. Уӕрӕсе сӕххӕст кӕндзӕн йӕ хӕсисттӕ Хуссар Ирыстоны раз, радзырдта Цӕгат Кавказы хъуыддӕгты фӕдыл УФ министр Сергей Чеботарев РХИ президент Бибылты Анатолиимӕ фембӕлды рӕстӕджы.
Чеботарев фыццаг хатт ӕрцыд Хуссар Ирыстонмӕ Цӕгат Кавказы хъуыддӕгты фӕдыл министры бынаты. Цхинвалы йӕ райста президент, фӕстӕдӕр хуссарирыстойнаг хицауады уӕнгтимӕ ацыд рабадт инвестицион программӕйы реализацийы фарстыты фӕдыл.
"Мах сӕххӕст кӕндзыстӕм нӕ хӕсисттӕ иууылдӕр ӕмӕ дарддӕр цӕудзыстӕм иумӕ, араздзыстӕм иумӕ ӕмӕ иумӕ скъуыддзаг кӕндзыстӕм нӕ хӕслӕвӕрдтӕ", — загъта Чеботарев.
Уый банысан кодта, зӕгъгӕ, Хуссар Ирыстонӕн радта йӕ цардӕй бирӕ ӕзтӕ ӕмӕ цыппар азмӕ, кӕцыты уый нӕ уыд республикӕйы, уый уыны егъау прогресс йӕ цалцӕг кӕныны.
"Ӕз нӕ уыдтӕн ам цыппар азы ӕмӕ уынын, цахӕм прогресс ис республикӕйы, арӕзт цӕуынц ног агъуыстытӕ, реализаци кӕнынц проекттӕ. Ӕмӕ уый иууылдӕр у Хуссар Ирыстоны къухдариуӕгад ӕмӕ хицауады фӕрцы", — радзырдта уӕрӕсейаг чиновник.
Афтӕ ма Чеботарев банысан кодта, хуссарирыстойнаг фарсимӕ кӕй фӕнд кӕны ӕркӕсын 2018 азы фыццаг хайы инвестицион программӕйы реализацимӕ.
"Ды дӕ фыццаг балцы республикӕмӕ Цӕгат Кавказы хъуыддӕгты фӕдыл министрӕй, фӕлӕ бирӕ хатт уыдтӕ ам, куыд адӕймаг, кӕцы баст у нӕ республикӕимӕ. Зонын ӕй, ды хорз зонгӕ кӕй дӕ Хуссар Ирыстон ӕмӕ йӕ адӕмимӕ", — загъта Бибылты Анатолий.
Уый ма банысан кодта, зӕгъгӕ, Хуссар Ирыстон ӕмӕ Уӕрӕсейы хъӕуы саразын куысты егъау бӕрцуат, кӕцыйы уыдзысты дарддӕры ӕзты проекттӕ.
Бибылты Анатолий баныфсӕвӕрдта, хӕслӕвӕрдтӕ ӕмӕ нывӕзтытӕ кӕй среализаци кӕндзысты гъӕдджынӕй ӕмӕ нысангонд ӕмгъуыдмӕ, афтӕ ма загъта бузныг Уӕрӕсейы къухдариуӕгадӕн сӕ ӕххуысы тыххӕй.
